“Зүрх мартахгүй” төслийн багийнхан Дорноговийн хилийн сумдад ажиллана
Бяцхан зүрхийг эдгээж амьдралд нь баяр хөөр, амьдрал бэлэглэж байдаг “Зүрх мартахгүй” төслийн багийнхан Дорноговь аймгийн хилийн сум болох Замын-Үүд, Хатанбулаг зэрэг суманд ажиллахаар төлөвлөжээ.
“Улаанбаатар Сонгдо” эмнэлгээс санаачлан хэрэгжүүлж байгаа уг төслийн ачаар маш олон хүүхэд эдгэрч эрүүл саруул болоод байгаа юм.
Төслийн багийнхан 2020 онд 850 гаруй хүүхдэд үнэ төлбөргүй үзлэг хийж, төрөлхийн зүрхний согогтой 220 гаруй хүүхдэд мэс засал амжилттай хийж нэн яаралтай эрүүл мэндийн тусламж хүргэсэн байна.