Тэгвэл уг асуудлыг цагдаагийн байгууллагаас тодруулахад "Цагдаагийн байгууллагаас уг асуудлыг шалгахад энэ оны нэгдүгээр сарын 28-ны өдөр Чингэлтэй дүүргийн 18 дугаар хорооны нутаг дэвсгэрт дунд сургуулийн сурагчид болох 15 настай эмэгтэй Б, Ж нарыг зүс таних 21 настай, эмэгтэй А нь өөрийн танилын цахим орчинд нийтэлсэн бичлэг дээр "Зохимжгүй эможи дарсан байна" гэх шалтгаанаар хэл амаар доромжилж, улмаар биед нь халдсан болох нь тогтоогдсон. Өдгөө шалгалтын ажиллагаа үргэлжилж байна" гэлээ.